Чичпотӥсь пияш

Коштанъяське, ассэ шуэ стиляга

Нылъёс борды сое кыске магнит. Зол тяга.

Со нокинлы уг синмаськы ноку

Комплиментъёс вера, со действует котьку.

Нылъёс асьсэс ни чыртыяз ошылӥсько

Пеймыт уйин юдэс но бубыли ӵош лякисько.

Быдэс уйзэ уг изё дыдыос:

Уг ужа визь, лишь только шӧдонъёс.

Шунды сиос маялляло ныллэсь бамзэ,

Ӵукна нош пумита сое ни огназэ.

Нылаш малпа, кытчы меда  пияш кошкиз?

Нош пияшлы ни пофигу. Со мар кулэ, ныллэсь басьтӥз.

Ӟенелик

ӞЕНЕЛИК

Эшъёсыным пыри магазинэ, басьтӥмы "ӟенелик",
Кошкимы палэнэ, пукимы, бушатӥм. Кутски мон вазьыны "ик-ик"
Эшъёсылы со серемес потӥз. Пуко. Горо. Нош мон всё "ик" да "ик".

Вот отысен  монэ кутскизы  ниманы ни                                            "ӞЕНЕЛИК".

Мынам улонэ

Мынам улон вал аська но vkontakte

Соос пӧлы бергес блог чуртнаськиз

Азьвыл вал асечник, задрот контакта

Али эшшо на блоггер ним кылдӥз.

Удмурт студент

Быдэс уйзэ удмурт студент уг изь

Со демографиез ӝутэ

Со нылъёсты донга, кызьы писпуэз сӥзь

Визьмыз ӧвӧл, ну хоть кызьы ке но пайда вае.

Синкыли-бубыли

Пуке нылаш меӵ яр дурын,

Бамтӥз ваське синкыли,

Усиз...аслыз басьтӥз турын.

Инкуазь улӟытиз... бубыли.

Сайказ...шокчиз...лопырскиз,
Чагыр инбам доры лобӟиз.

Кема эшшо на поръясал, дыр,

 Но луылэ озьы куддыр:

 
Синкылиен горд шапыкъёс сураськизы
Бӧрдись синъёс но весяклы кыниськизы.

Бубыли...

Тон туж синмаськымон нылаш
Котькуд пияш монэн соглаш
Нош луэмед потэ огнад
Весь улӥськод аслад малпанъёсад.


Дӥсьёс тон нуллӥськод Versace
Но шуиськод кулэ ӧвӧл пияш кудӥз богаче
Вопще нокин кулэ ӧвӧл.

                         Мон бубыли. Мон поръясько вӧл-вӧл.

Ижкар - Россилэн шоркарез

Ижкар - Россилэн шоркарез
Метро ни вань, трос калыкез
Сан Саныч Волков шумпотэ
Малпанъёсыз ведь устоесь.

Нырысетӥ сюрс

  6 - тӥ коньывуонэ та аре улонзэ кутскиз мынам блоге. Мон мылысь-кыдысь гожъяны тырши аслэсьтым малпанъёсме, ма монэ сюлэмшугъяськытэ, кыӵе ужпумъёс актуальной луо мон понна. Туннэ мынам тӥледын ӵош аслэсьтым шудме люкеме потэ. Мон понна со туж шӧдскымон.  

  Туннэ, котькуд нунал сямен ини (23 - тӥ нуналзэ ини) мон пыри интернете но усьтӥ блогелэсь сайтсэ. нырысь номыр но ӧй синйылты. Но бӧрысь, куке учки статистикаме, но отын гожтэмын  вал 1,007, мон пайми но кӧня ке пол аслым таӵе юан сётъяй: мынам блогам сюрслэсь трос пол пыраллязы ни адямиос? Но собере, будто ке номыр но ӧз лу, буйгатски, но шуи: "Значит кельше блоге адямиослы, озьы ик азинтоно ужанме!"

Ивор

Салкым ӝытэ Ижкарын
Иван тодӥз, что со еврей
Пуке ини, сюлэмзэ кылзыса
Укыр секыт нунал ортчиз.

Песяй кулон

Песяй кулон праздникамы вуиз
Но ваньзэсты ӟечкыланэныз паймытӥз:
Вераз, кема аръёс ӵоже ул на, Катюша,
Тон, стерва, ми доры эн дырты.

Берпал

Артем туж ӝог малпаз - берпал
Тимур нош калленгес - берпаааал
Ку Маша коридор кузя ортчиз,
Берпалэныз выретыса.

Говно

Искусствоведъёс туж шып сыло
Пальпотыса учко суред шоры.
Шӧдтэк шорысь одӥг чурыт сямо пересь
Ваньзылы валамон, шара шуиз: "Говно".

Шуд

Куке юэм йырын уйин
Тон укное черектӥськод: "Борща".
Мон валасько, тани ук шуд
Но со понна улны кулэ.

Тон...

Тон - уйвӧтъёсылэн кылчинэз,

  Нош яратонэлэн шайтанэз...

Эх...

Хрустящей картофель но пиво басьтӥ,
Эх! макем урод мыным уд валаське тӥ.
Пукисько, гожъясько тани та кылбурме.
Нош йырам пыриськод, вань сюлмы пуроме.


Юаськод: "Малы нош юиськод ини тон?"
Выйытӥз сьӧд тыэ сюлэмме куректон.
Тон сярысь малпаса вань даур ни ортче,
Эх! лусал ке мукет егитъёс кадь шӧртчи.


Пумен мылкыды куашка но куашка
Кукейёс буяло, ортчыто мон паска.
Кин пушкам каръяськиз? шайтан? я кылчин?
Ваньзэ мон берыкто, та не пум, а зачин...

Выльысь

Вера мыным нимдэ выльысь
Кутском ваньзэ чылкыт бамысь...

Тунсыко уйвӧт

Мон адӟисько туж тунсыко уйвӧт:

Путин Лади монэ дораз ӧтиз,

Но нылъёсыз шоры данэн возьматыса:

«Бырйы ойдо», – туж шыпытак шуиз. 

Огреч

Кызьы огреч ассэ возе

Эскерисько ни вить нунал ӵоже.

Огреч нош нокызьы уг дыш:

Кылле, но номыре уг си.

Веран

Одӥг тужгес тодмо туно

Мынам юанэлы, ку мон куло?

Шуиз, толэзь кылиз на, пе,

Тон дуннее вордӥськытозь.

Дунне бырон вуэ

Бадӟым сьӧд астероид

Пилёз, пе, шорак музъемез,

Нош али прогноз погоды

Рекламной пауза бере.

Асэным керетӥ

Мон асэным зол керетӥ

Арня уг ни вераськиськы.

Шып ӝӧк вылам сиёнме пуктӥсько,

Шып сиськисько, озьы ик изисько.

Осконлыкен улӥсько

Пеймыт  уйин сак учкисько

Мон телевизоре, а вдруг,

Берпуметӥ программа бырыку,

Мыным шуод: «Яратӥсько!»

Люкиськыны ни дыр вуиз

Люкиськыны ни дыр вуиз, Танюша,

Кыкнаместы ик ӧс сьӧрын витё:

Тонэ – висён но пересьмон,

Монэ – ожын секыт бырон.

Бере кылиз...

Лоба ужзэ ыштэм кылчин

Нылашлэн шӧй вадьсытиз.

Со ныл куке но вал солэн ужез,

Нош со отчы бере кылиз.

Буш

Йырам буш... нокыӵе но малпанъёс ӧвӧл...

Огнам

Огназ сылӥсь писпу выллем

Мон но огнам улонэтӥ вамышъясько.

Оло, cӥзьыл вуэм сэрен

Куаръёс кадь мон но куасьмисько но усисько?

Зэмзэ но, может луыны озьы,

Шуо уг: "сӥзьыл, пе, яратон быре".

Шедьтӥ кеносысьтым мон вуж гозы,

Малпаськытэк кошки писпу доры...

Бо марзэ шонертэм лэсьтӥ?

Толон юи, ӵукна урод,
Малпай мон пӧзьтыны компот.
Вот быректӥз, кранэ дуре мынӥ,
Но ваньзэ дуршлаге кисьтӥ.
Кема сылӥ мон, малпаськи,
Бо марзэ шонертэм лэсьтӥ?

Яратон ӧвӧл

Вопще то, яратон ӧвӧл
Верам вал солы вузкарись,
Нош Люба шыпытак басьтӥз,
Денис нимо гожтэм брелок.

кӧняетӥ мон?

Олег, тамак кенӝытыса, юа:
"Нош кӧняетӥез мон тынад?"
Шутитьтӥськод, кыкетӥез конечно,
Серектыса вазе кулон.

Эше

Мынам эше - талантливой дизайнер,
Dj, поэт но музыкант
Эшшо ӧжыт гинэ фотограф,
Нош шонерзэ ке, со мудак.

хех

"Вож чай", - шуо мон сержантлы,
Нош тӧдьыез - со пызь.
Киям уколъёсы - мон донор,
Нош та таблетка - аспирин...

нылашлы

Укыр салкым монэн вераськиськод
Пелепондэ уд басьтӥськы куддыр.
Мукетэзлы озьы вазиськылӥд,
Куке монэн ӵошен вал на.

Кирень

Ас дуннеям мон кошкыны малпай, кирень,
Ваньмыз тонэн пачылмемын.
Кытчы гинэ эн учкы, котырак
Тынад арбериосыд, кырӟан гуред тынад.

Малпаськисько

Мон азьтэм ӧвӧл, но весь,
Котькуд вамышам тормозить карисько.
Малпаськыса, ма карысал
Огшоры адями.

Олег Петрович Зае...

Пересь ужась вань заводын
Со ваньзэ туж умой лэсьтэ.
И паспортаз со гожтэмын
Олег Петрович Заебись.

Дениска

Дениска котыре кутъёc люкаськизы
но со весь валаны турттэ:
со туж ческыт, со кулэмын
яке нош куинетӥ вариант.

Ма сыӵе?

Ма сыӵе вообще? настроение на 0... ппц, улонлэн пыдэсаз усисько ни кожасько асме((( ма сыӵе? ма сыӵе?сюрс, миллион пол юасько аслэсьтым, но валэктон шедьтэме нокызьы уг лу. ма сыӵе? ма сыӵе? уг валаськы номыре но, уг валаськы...

Пати

Удмурт пати... Пепелац... Кин малпа вал озьы луоз шуса? хм, малпасько нокин, конешно, мон сяна XDDD... тодмо ымныръёс, эшъёс, юон, тамак: та ваньмыз пумен но каллен мынам йырам сураськиз но йырбергатымон эктонэ кошкиз... кема дыр отрчиз-а, ӧз-а, уг тодӥськы, но мар ке но уродмыны кутскиз... пуки, пуки эшъёсты витьыса, ӧз вуэ. сэре Зангарик вуиз но огъяулонние ширтӥм... озьы ортчиз эшшо одӥгез удмурт пати...

Лапша

Лера Игнатьева мон сярысь :"Тон лапша!" соин ик, пе, нокин но тыныд уг бызьы(((. зэм но, мон лапша видимо, раз озьы...

Тон вера мыным кызьы мон улом...

Яратон ноку уз быр, мон тодӥсько
Тусбуйдэ син азям котьку возисько.
Пельпумъёсы жадизы, бурдъёсы висё
Тонэ ноку уз вошты нокыӵе уксё.
Мыным возьыт ӧвӧл, урод яке ӝож
Малпанъёсам котьку луомы ӵош.
Пилиськем тусьты, вӧсь, бус усе
Мынам кылчинэ ӵукнапал ыше
Быдэсмонтэм малпанъёсын, ӧрекчи осконэн.
Куддыръя чидантэм, но кужым сюре
Пӧрмытыны кезьыт тол куазез гужеме.
Инмар луыны, тон понна - быдэс улон,
Оскыса, тубаттӥ вылӥе ӵош тубон.
Китӥд кутыса, ӟардон возьмато -
Шунды пуксёнэ мынам лу, курисько.

Мыным кулэ омыр, огпол ке но шокчыны,
Мон ведь уг куриськы тонэ монэн ӵош луыны.
Ортчемзэ вунэтыса, мынӥсько азьлане,
Нош сюлмам тон огнад улӥськод, кылчинэ.
Ижкар... ческыт мугор зын... чиньыос...
Чидаме уг лу, бордад кыско шӧдонъёс.
Кужым вань дыръя китӥм кут монэ
Пинал вай мыным яке шып ул вопще.
Курисько, эн вай вождэ,
Умойтэм ке потӥз кужымтэм луэме.
Тыбыры губырскиз, кошки ву пыдэсэ
Пӧрмы ӟеч феялы, улӟыты монэ.
Ӝыны шӧдонъёстэ сёт, но ышоз мӧзмон,
Кык пыжъёс луыса уяны асьмес кошком.
Лыдъёс, календаръёс, калыкъёс сэрен
Изись карын вань тыл кысэм.
Нош мон, жадьыса, туспуктэмъёстэ учкыли
Но мар ке но отчы гожти...


Тон вера мыным кызьы мон улом
Кызьы кылбуръёс табере гожъялом
Кызьы сюлэмлы йыгаськын кулэ
Куке берпуметӥзэ со шокче.

Улӥськом, малпаськом одӥгез сярысь
Ваньзэ кутскыны турттӥськомы выльысь.
Кыӵе ке сьӧд кужым нош сётэ кузьым
Ӧвӧл ӵошен улонмы азьланьын.

Асьмеос из сямен ву пыдсы выйиськом,
Вождэ эн вай, но  мон тонэн юн висисько.

Тон (Масик мыным сӥзьыса гожтэм)

Тон усто чебер пияш

Тон уд сииськы гуляш (Сугонэз отын вань :)))

Салат гинэ басьтӥськод

Нылъёсты яратӥськод.

Ми тонэн дышетскиськом,

Парта сьӧрын ӵош пукиськом

Тон монэ весь исаськод

Чукча тон, Маша, шуиськод.

Мон шорад пальпотӥсько

Тон но мусо мыняськод

Али но кесяськиськод:

"Тон нош мар тупитьтӥськод?"

Учкисько, мынь! потӥсько

"Мӧзмид но, - черекъяськод:)))

Масик но Димасик 

Котьку керетӥсь эшъёс - Димасикен Масикъёс)))
Ог-огзэс зол ярато
Ӟеч кылъёсын пылато...

Сӥзьыл - пуныныл...

Сӥзьыл - зоро но дэриё

Быдэс нунал ӵаж-ӵаж кисьтэ.

Ӵыж выль, чибориё дисен

Нылаш со зор ултӥ бызе.

Со копак котмемын ини

Но пыдъёсыз туж жадемын

Каллен ӝытэ куазь вамышъя

Кышкыт потэ со нылашлы.

Уг жаля нокинэ сӥзьыл 

 Вае мӧзмон но куректон

Мон кеськисько - тон пуныныл,

Озьы ке но, яратӥсько...

Арня куткиз ни опеть(((

Нош ик выль арня кутскиз... мар вылез монэ вите та арняе? шумпотон-а, куректон-а? адӟом, мар луоз, со луоз...

дышетӥсьёслэн нуналзылы сӥзем такмакъёс

1. Ӟечбуресь, удмурт пиос

Ӟечбуресь удмурт нылъёс

Али чебер пияшъёс

Кырӟалозы такмакъёс

Опа-опа, чебер пияшъёс

Опа-опа, азяды соос.

2. Ми татчы люкаськимы

Тӥледыз ӟечкыланы

Деканатмы но татын

Кельмаков но вуэмын

Опа-опа, Кельмаков татын.

Опа-опа, ваньзы паймемын.

3. Кык куплет ми кырӟамы

Кулэзэ вунэтӥмы

Галкинэз ми воштыса,

Сылӥськомы кырӟаса.

Опа-опа, шаньги-перепеч

Опа-опа, ми ведь туж ӟечесь.

4. Валлян перепись ортчиз

Удмурт калыкмы йылӥз

Факультетысь нылашъёс

Осто, осто, устоос!

Опа-опа, усто нылашъёс,

Опа-опа, будо нылпиос.

5. Литература дышето

Преподъёсмы туж усто

Глухова нош Галина

Вова: Тётяед ӧвӧл меда?

Мон: Ма, не знай...

Вова: экзаменад нош кӧня басьтӥд?

Мон: 4.

Вова: Ааа, соку овол...

6. Вань милям одӥг мужик

Атаез солэн Толик

Нош нимыз солэн Дима

Валады кин со, бон-а?

Опа-опа, Ваньмыз валамон

Опа-опа, Глухов со Димон.

7. Студентъёс куанер калык

Коньдонзы уг тырмы чик

Оляен нош Марина

Милем юртто куддыръя.

Опа-опа, тау тилед сюлмысь

Опа-опа, ми вуом бӧрысь.

8. Парын ми пукиськом

Но пумен нырулӥськом

Валады, дыр, ма понна.

Отын Тимерханова.

Опа-опа, шаньги-перепеч

Опа-опа, сылалтэм огреч.

9. Ваньзы сярысь кырӟамы

Ой, табань, вунэтӥмы.

Герман кафедра кылем

Вождэс эн вае милем.

Опа-опа, мар таре каром?

Опа-опа, пальпотса сылом.

10. Нош пока ми сылӥськом

Такмакъёсты боксӥськом

Кондратьева Натали

Доктор cо луиз ини.

Опа-опа, ми ӟечкыласьком

Опа-опа, ойдолэ чабом.

11. Ми кырӟамы тӥледлы

Умой-а, урод-а

Табере ми куромы

Тӥледыз ки чабыны

Опа-опа, таин быдтӥськом

Опа-опа, шултэлэ вуом.

ФСЁЁЁ!!!!

Кырӟазы кык пияшъёс: Митрей но Лади (зэмзэ но чебер пияшъёс, 0-0 ведь?)

малпанчик

пукисько комнатаям. учкисько укное. тылъёс ӝуало, кортуробоос солань-талань ветло... соос кытчы ке но дырто, кудӥз ке но дораз, яратоно гаражаз. кудӥз ке но дискотекае нуэ аслэсьтыз кузёзэ. нош мон пукисько мур малпанъёсам... йырам трос соос люкаськизы. ваньмыз сураськиз (сураськет полной).

эх, всё же тамак со урод... прям шӧдӥське кызьы йырвийымме каллен-каллен сие но вийыме ичия но ичия... куштӥськыны кулэ одно ик, одно ик кулэ...

АРХИВ

Эшъёс, кин тодэ кызьы удмурт кылын луэ "АРХИВ" кыл? туж но туж тодэме потэ. Яке солэн берыктэмез воксё ӧвӧл-а?

Молоӟечъёс

Куруто шудӥмы, однако...

УдГУ-ысь огъяулонниос пӧлын футболъя ӵошатскон ортчиз. мон аслам огъяулонние понна шудӥ. Ваньзэсты вормим, 1-тӥ инты милям... ми молоӟечъёс... 

Сураськет

Сюлмам ӝуа тылпу

Изисько... оломар но пыре уйвӧтэ
Валаме нош уг луы, адӟиське туж шӧтэм.
Матэктэ мон доры, кырсь кизэ со мыче.
Нош кытын-о мынам утисе-вордӥсе?

Мон огнам та кышкыт дуннее кылиськем.
Кисыме усьтӥсько...синучкон пилиськем.
Туж матын адӟиськиз кыӵе ке но писпу.
Чилектӥз... со гомӟиз... сюлэмам но тылпу.

Синъёсме кыньытэк учкисько тыл шоры,
Со ӧвӧл уг зэмзэ, просто так (огшоры).
Сайкасько. Султӥсько. Номыр но ӧвӧл.
Сюлэмам нош тылпу вӧлъяське на вӧл-вӧл...

Улон - колёса

Улон, пе, колёса. Берга.
Нош малы котьку но озьы - кинэ яратӥсько - тэрга?
Весь огнаме монэ кельтэ. Секыт.
Вань улонэ сураськемын. Бездыт.

Котькуд ӵукна мон сайкасько. Малпан.
Вамыштӥсько синучконэ доры. Капкан.
Кема сылӥсько, учкисько. Шузи.
Нош син азям тонэ гинэ мон адӟисько. Тузӥ.

     
Улон, пе, колёса. Берга.

Нош шудыны уг дугды, весь улонме тэрга.

ё-ё-ё...

Уф!!! всё, решил.
туннэ жыт шампань юо

Маааа!!! Усьтӥськы ни, ЗАРАЗА!!!

ё-ё-ё...

Йоу-йоу

Ортчиз дышетскон арня... наконец-то... туннэ пыреподъёсты праздникен ӟечкылам... туж ик умой ортчиз)) ӧй ик малпа сыӵе фурор такмакъёсмылэсь луоз шуса))) йоу, мылкыд умой. ма кызьы умой уз луы? Кельмаков но сюлмысь серекъяз ук. азьланьын кык шутэтскон нунал)))  йоу-йоу мон ващпе тащусь аслэстым)))

кызьы мон блог лэсьти

Эммм, а мар со сыӵе блог?

Пукси ноутбук сьоры. Пукисько но малпасько. А ма со вообще блог? маин сое сиё? пыри яндексе, учкисько... со но та, оломар гожъямын... йыры ик поромиз. шузимисько ни, дыр, кожасько...

кема утчаськи, шедьтӥ blogspot.com сайтэз. пыри. оломар копаськи но вот, пӧрмиз таӵе аспӧртэмлыко нимамон блог.

мон татын новичок на ай, но малпасько азьланьын мынам блоге узырмоз, мон шедьто трос эшъёс, соос юрттозы мыным татын юнманы но тач-тач пыд вылам сылыны...