Кытын мынам яратонэ?

Нош ик ӵукна, нош ик шунды пиштэ ини валес вылам
Тонэ вӧзам мон шӧдисько, пальпотонэ ымнырам.
Берытскисько тон пала, мынам мусо нылаше
Йӧтскисько ымдуръёсад, маяллясько йырсидэ.
Тон сайкаськод, мыньпотӥськод, но шуиськод: «Мусое!»
Мон султӥсько но вайисько валес выламы кофе.
Кин ке понна ӵукна кутске будильник жингыртэмен,
Нош милемлы со кулэвӧл, ми сайкаськом шундыен.
Инкуазь катъёс котькуд ӵукна милем юртто сайканы
Милемын ӵош ик сайка милям изись яратонмы.
Со милемын котьку ӵош, со милям герӟетмы
Со улыны ялан юрттэ, со утись-вордӥсьмы.  

                                                        Котьку тонэн луэм потэ

Но малы ке но тон ӧвӧл.Кытын мынам яратонэ?Яратонэ – шӧртчи тӧл.Уйиськисько со сьӧрыНош сутэме весь уг лу.Ӟырда тылын мугорыЮрттэ сое кысын лысву.Зарни чорыг луысаМон ву пыдсы зымиськоШӧтэм ӵӧжлы пӧрмысаЧылкыт инме лобӟисько.Нош вань планме шунды сӧре:Икар мон. Усисько му вылэ.